«Ինչի՞ ես թոկը անընդհատ ձգում, կխեղդվի»․ Արթուր Խաչատրյան

«Հայաստան» խմբակցության պատգամավոր Արթուր Խաչատրյանը, «5-րդ ալիք»-ի եթերում, ի պատասխան այն հարցադրման, թե «տպավորություն է, որ Ալիևը որևէ գործողություն չի անում Փաշինյանի դիրքերը այստեղ ամրացնելու համար, անընդհատ պահանջում է և Փաշինյանն էլ անընդհատ տալիս է, սա պարադոքսալ չէ՞», նշեց․ «Պատկերավոր ասած՝ թոկը վզին քցած ա, ինչի՞ ես անընդհատ ձգում, կխեղդվի, ստիպված կլինես ուրիշին բերես։ Ինքը էնքան ա քաշում, մինչև խեղդվես, չմեռնես է, բայց լիովին գերության, կախվածության մեջ լինես։ Քանի դեռ ժողովուրդը այստեղ հանդուրժում է, ինքը անընդհատ պարանը քաշելու է՝ էնքան, որ չխեղդվի, բայց փախնելու տեղ չունենա։ Դրա համար ենք ասում՝ միակ հնարավորությունը քաղաքական կուրսը փոխելն ու անձամբ Փաշինյանին փոխելն է։ Թոկը Բաքվի ձեռքում է։ Եվ եթե Փաշինյանը հրաժարական տա, էդ թոկը կտրվելու հավանականությունը շատ մեծ է լինելու։ Հայաստանը չի կարողանում իր սեփական տարածքում որոշի՝ գործարան կառուցել, թե՝ չէ։ Ասում են մենք ինքնիշխան ենք, բայց ինքնուրույն որոշում չեն կարողանում կայացնել»։