«Լավ կանեին՝ ԱԳՆ-ում քնած մնային ու չարձագանքեին»․ Տաթևիկ Հայրապետյան

Ադրբեջանագետ Տաթևիկ Հայրապետյանի թելեգրամյան գրառումը․ «ՀՀ ԱԳՆ-ն որոշել է քնից արթնանալ ու արձագանքել Ալիևի այսօրվա հայտարարություններին՝ թեև վերջինս արդեն մի շաբաթ է հայտարարությունների շքերթ է սկսել։

ԱԳՆ արձագանքում կա նման հարցադրում՝ «Արդյո՞ք Ադրբեջանը հրաժարվում է Հայաստանի տարածքային ամբողջականությունը և ինքնիշխանությունն Ալմա-Աթայի հռչակագրի հիման վրա ճանաչելու պայմանավորվածություններից: Արդյո՞ք Ադրբեջանը հրաժարվում է Խաղաղության օրակարգից․․․»։

Ադրբեջանը չգիտի էլ ոնց հայտարարի, որ ոչ խաղաղության օրակարգ է ունեցել, ոչ էլ պատրաստվում է ունենալ։ Ինձ թվում է՝ լավ կանեին ԱԳՆ-ում քնած մնային ու չարձագանքեին, քանի որ նման արձագանքը ցույց է տալիս իրենց թույլ ու անճար վիճակը, ինքնարդարացնող տեքստ և ոչ մի գնահատական Ադրբեջանի կողմից տարվող ակնհայտ սադրիչ քաղաքականությանը․․․»։

»։