«Արգիշտի Քյարամյանի վարքագծում հակաօրինական բան չեմ տեսել». Արծվիկ Մինասյան

ԱԺ «Հայաստան» խմբակցության քարտուղար Արծվիկ Մինասյանը, պատասխանելով նախօրեին խորհրդարանական լսումների ժամանակ տեղի ունեցած միջադեպի ու հնչած հայտարարությունների վերաբերյալ լրագրողների հարցերին, ասել է. «Չէի էլ ուզենա անդրադառնալ, որովհետև տգեղ միջադեպ էր: Մեզ հաճախ մեղադրում են, ասում են՝ ընդդիմությունը, տեսեք, ԱԺ դահլիճը վերածել է չգիտեմ ինչի, մինչդեռ երեկվա բացահայտումը ցույց տվեց, որ հենց իրենց մեջ է այդ ամեն ինչը նստած:
Ես Արգիշտի Քյարամյանի վարքագծում ինչ-որ հակաօրինական բան չեմ տեսել, անկեղծ ասած: Բայց մյուս կողմից, ուզում եմ հասկանալ, այն, որ պատգամավորները ընդդիմության պատգամավորներին անընդհատ պատի անկյուն են կանգնեցնում, և ասում՝ այ դուք պետք է հարգանք ցուցաբերեք, իսկ կա՞ր այդ պատգամավորների կողմից հարգանքի որևէ ցուցիչ ոչ թե կոնկրետ անձի նկատմամբ, այլ պետական ինստիտուտի նկատմամբ»,- նշել է Մինասյանը: