«Ժողովրդին առիթ-անառիթ պախարակելն ահավոր մեծ անարդարություն է»․ Արմեն Այվազյան

Քաղաքական գիտությունների դոկտոր, պատմաբան Արմեն Այվազյանի ֆեսյբուքյան գրառումը․ «Մեզանում ժողովրդին առիթ-անառիթ պախարակելն ահավոր մեծ անարդարություն է։ Փաստացի պետականազրկության և օտար տիրապետության ներկայիս վիճակում հայ ժողովուրդը, բնազդորեն դրսևորելով ինքնակազմակերպման արտառոց հատկություններ ու համայնքային կարգապահության բարձրագույն մակարդակ, թույլ չի տալիս, որ Հայաստանը գլորվի կատարյալ անարխիայի և զանգվածային հանցավորության գիրկը։
Սա է քաղաքական իրականությունը։ Պետք է ըստ արժանվույն գնահատենք մեր ժողովրդի խորքային գիտակցությունը։ Խնդիրն ընդամենը քաղաքական դաշտն ու պետական համակարգը հիմնովին վերակառուցելու մեջ է»։