«Երբ Արցախում սպանում էին հայ բնակչությանը, ՀՀ իշխանությունը հայտարարում էր՝ որևէ խնդիր չկա»․ Մետաքսե Հակոբյան

«2023թ․ սեպտեմբերին, այդ ծանր ժամանակահատվածում, երբ, ուղղակի թիրախավորած խաղաղ բնակչությանը, մեզ սպանում էին, ՀՀ իշխանությունը հայտարարում էր, որ Արցախը վտանգված չէ, որևէ խնդիր չկա։ Եվ Կարծում եմ օրինաչափ է այն պահվածքը, որ հիմա կա մեր մշակութային ժառանգության վերաբերյալ»,-ԱԺ-ում քննարկման ժամանակ նշեց Արցախի ԱԺ պատգամավոր Մետքասե Հակոբյանը։ Նա ընդգծեց, որ թե՛ գերիների, թե՛ մշակութային ժառանգության պահպանության հարցում իշխանությունը լուռ է․ «Օրվա իշխանությունները շատ հանգիստ կարող էին հումանիտար հարթակում քննարկել մեր գերիների, պատանդառված անձանց ճակատագրի վերաբերյալ, պահանջել այդ անձանց վերադարձը։ Կարելի էր ներկայացնել նաև մշակութային ժառանգության պահպանման մասին խոսել, պահանջել։ Բայց լռություն է»։