««Արա» բառն օգտագործեցի, բայց ո՛չ վիրավորական իմաստով»․ Հովիկ Աղազարյան

ԱԺ «Քաղաքացիական պայմանագիր» խմբակցության պատգամավոր Հովիկ Աղազարյանը «Կենտրոն»-ի եթերում անդրադարձել է օրեր առաջ ԱԺ-ում տեղի ունեցած սկանդալային միջադեպին։ «Երբ պարոն Քյարամյանը ելույթ էր ունենում, ինչ-որ մեկը ռեպլիկ էր արել, չգիտեմ՝ ով, բայց ինձ համար անընդունելի էր Քյարամյանի պահվածքն ԱԺ ինստիտուտում, ու իմ խոսքում վրդովմունք արտահայտեցի։ Հետո երբ իրար կողք էինք նստած, նա ձայն խնդրեց, իր բացառիկությունն ընդգծեց ներկաների նկատմամբ, ապա հանրությանը ներկայացրեց, որ իմ պահվածքը պայմանավորված է նրանով, որ իմ որդու նկատմամբ քրգործ կա, իբրև թե երկու անգամ իրեն միջնորդել են լոյալ վերաբերմունք։ Վրդովվեցի, դիտողություն արեցի, ասացի՝ սա ձեր թաղը չի։ «Արա» բառն օգտագործեցի, բայց ոչ թե օրինակի համար՝ «գյադա», այլ՝ խոսակցականով, ոնց ենք ասում՝ «արա, դե լավ էլի», էդ իմաստով։ Ուղիղ վիրավորանք չեմ հասցրել»,- ասել է պատգամավորը։