«ՀՀ կառավարության համար ՄԻՊ ինստիտուտի անկախությունը չափազանց կարևոր է». Նիկոլ Փաշինյան

Մարդու իրավունքների պաշտպանի հաստատության 20-ամյակի առթիվ մեկնարկել է «Օմբուդսմանական/ Մարդու իրավունքների ազգային հաստատությունները ճգնաժամային իրավիճակներում. Ճկունություն և մարտահրավերներ» խորագրով երկօրյա միջազգային համաժողովը։ ՀՀ վարչապետ Նիկոլ Փաշինյանն իր խոսքում կարևորել է պաշտպանի ինստիտուտի դերը. «Շատ բարդ կոորդինատներում գտնվող ինստիտուտ է, որովհետև սովորաբար ընդդիմությունն ունի մարդու իրավունքների պաշտպանի մասին իր պատկերացումները, որոնք ունեն առանձնահատկություններ ու յուրահատկություններ, իշխանությունն իր պատկերացումը, որը նույնպես ունենում է առանձնահատկություններ, յուրահատկություններ, հանրությունն՝ իր, որն ունի յուրահատկություններ ու առանձնահատկություններ: Բայց ուզում եմ ընդգծել, որ ՀՀ կառավարության համար պաշտպանի ինստիտուտի անկախությունը չափազանց կարևոր է»: