«Եթե էսկալացիոն ռիսկեր լինեն, կանոնակարգը դադարելո՞ւ է գործել»․ Սերգեյ Բագրատյանը՝ Մհեր Գրիգորյանին
83 Այսօր, 12:12 «Սահմանազատման հարցով Հայաստանի և Ադրբեջանի հանձնաժողովների գործունեության կանոնակարգը սահմանում է, որ բոլոր հարցերը պետք է լուծվեն կոնսենսուսով»,- ԱԺ-ում հանձնաժողովների համատեղ գործունեության կանոնակարգը վավերացնելու հարցի քննարկման ժամանակ ասաց փոխվարչապետ Մհեր Գրիգորյանը։ «Բոլոր հարցերը պետք է պարզաբանվեն, արձանագրվեն, որից հետո կողմերը պատրաստ կլինեն որոշում կայացնելուն: Հայաստանի և Ադրբեջանի միջև սահմանազատման հանձնաժողովների գործունեության կանոնակարգի հաստատման դեպքում ու հանձնաժողովների համատեղ գործունեության ընթացքում ցանկացած ռազմական գործողություն կլինի դելեգիտիմ»,- ասաց Գրիգորյանը։ ՔՊ-ական պատգամավոր Սերգեյ Բագրատյանի հարցին, թե եթե կանոնակարգի իրականացման ընթացքում էսկալացիոն ռիսկեր լինեն, կանոնակարգը դադարելո՞ւ է գործել, Գրիգորյանը պատասխանեց․ «Կանոնակարգի հիմնական գործառույթն այն է, որ վեճերը լուծվեն ոչ թե ուժային գործիքակազմով, այլ այն հարթակում, որը կստեղծվի կանոնակարգի հաստատման պարագայում: Իմ կարծիքով՝ այդ դեպքում շատ տարօրինակ կլինի, որ այս կամ այն վիճելի խնդիրը կողմերը լուծեն ռազմական ճանապարհով: Եթե կա աշխատող ձևաչափ և այդ ձևաչափի մեխանիզմի առկայության պարագայում տեղի է ունենում ռազմական գործողություն, դա բացատրություն չի ունենալու: Ավելին ասեմ՝ լինելու է դելեգիտիմ: Մենք համարել ենք, որ այս խնդիրը պետք է լուծել երկկողմ բանակցությունների միջոցով՝ առանց որևէ միջնորդի»,- նշեց Մհեր Գրիգորյանը։ |
«Մոլդովայի հանրաքվեն ու ընտրությունները հուսադրող են». Սուրեն Սուրենյանց
1214:48«ՔՊ-ն պլանավորել է հերթական հակապետական զիջումները»․ Հայկ Մամիջանյան (տեսանյութ)
4214:30«Վայր դրեք մանդատները, ա՛յ «ընդդիմադիրներ»». Էդմոն Մարուքյան (տեսանյութ)
5514:18«Եթե ՀՀ պաշտոնյաները պաշտպանում են Ադրբեջանին, չի նշանակում, որ վեճը սպառված է»․ Հայկ Խանումյան
4514:12«Ես ողջունում եմ ցանկացած բացահայտում». Խաչատուր Սուքիասյան (տեսանյութ)
5413:48«Բա ի՞նչ գործ ունեիր «ադրբեջանական» բաղերում՝ նուռը ձեռքիդ»․ Էդուարդ Շարմազանով
6713:24«Ինչո՞ւ է Սիմոնյանը «բումերանգը» պտտում Փաշինյանի կողմը»․ Հակոբ Բադալյան
7013:12Բլինքենն Իսրայելում է
9213:06