«Մեզ համար երազանք է, որ սահմանազատման գործընթացը հասնի Սյունիք»․ Դավիթ Դանիելյան

Հայաստանի և Ադրբեջանի սահմանազատման հանձնաժողովների համատեղ գործունեության կանոնակարգը վավերացնելու մասին հարցի քննարկման ժամանակ ՔՊ-ական պատգամավոր, սյունեցի Դավիթ Դանիելյանը կարևորեց գործընթացը՝ հայտարարելով․ «Մեզ համար երազանք է, որ սահմանազատման գործընթացը հասնի Սյունիք»։ Պատգամավորը հետաքրքվեց փոխվարչապետ Մհեր Գրիգորյանից, թե Ադրբեջանն ի՞նչ մոտեցում ունի ՀՀ սուվերեն այն տարածքների վերաբերյալ, որտեղ ներխուժել և ինժեներական աշխատանքներ է կատարում։
«Պայմանավորվել ենք, որպեսզի այս կամ այն հատվածի վերաբերյալ որևէ մեկնաբանություն չտանք, եթե միասին չենք քննարկել և չենք հրապարակել կողմերի դիրքորոշումը։ Գործընթացը շատ զգայուն է և ոչ միայն Հայասատնում։ Այլ ձևաչափով կարող ենք քննարկել հարցը»,- պատասխանեց Մհեր Գրիգորյանը։