«Դաշնակցությունն ու Դոգը հավասար վարկանիշ ունեն»․ Ալեն Սիմոնյան

«Հակապետական, ոչ լեգիտիմ, մենք չենք մասնակցի, ազգադավ․․․»,- ԱԺ նախագահ Ալեն Սիմոնյանն ընդդիմադիրների հնչեցրած այս խոսքերով սկսեց իր ելույթը՝ ավելացնելով՝ «մեղա՜-մեղա՜»։ Դիմելով ընդդիմադիրներին՝ կրկին հայտարարեց, որ դաշնակցական պատգամավորներից ոմանք նախկինում կողմ քվեարկելով վարչատարածքային բաժանման մասին օրենքին՝ Արցախի մի մասը համարել են Ադրբեջան։
«Ձեր դիմաց դրած դրոշակին (Արցախի դրոշը) ամեն անգամ նայելով՝ հիշեք, դուք քվեարկել եք, որ այն էն առանձնացված կողմը համարել եք Ադրբեջան։ Չգաք ստեղ մարդկանց աչքերին թոզ փչեք։ Դուք սպառվել եք, որը ես չեմ ասում, այլ ձեր միտինգների դատարկությունն է ասում, ձեր Սրբազանի մաշվածությունն է ասում»,- ասաց Ալեն Սիմոնյանը․ «Դաշնակցությունն ու Դոգը հավասար վարկանիշ ունեն, գնացեք դրա մասին մտածեք։ Ադրբեջանի նարատիվները բերում եք այստեղից լուրջ դեմքերով ներկայացնում եք»,-հավելեց նա։