Փաշինյանը կատարել է Ալիևի հերթական պահանջը․ «Հրապարակ»
210 Այսօր, 09:24 «Հրապարակ»-ը գրում է․ «Նիկոլ Փաշինյանը հրաժարվել է Ադրբեջանի բանտերում պահվող հայ ռազմագերիների հարցը խաղաղության պայմանագրում ներառել՝ կատարելով Ալիևի հերթական ստորացուցիչ պահանջներից մեկը։ Մեզ պատմեցին, որ քննարկվել է պայմանագրում գերիների մասին կետ զետեղելու հարցը, Ադրբեջանը դեմ է արտահայտվել, եւ Փաշինյանը համաձայնել է դրան: Գերիների հարցը Բաքվի հետ բանակցվող միակ փաստաթղթից դուրս թողնելը Փաշինյանը պատճառաբանել է, թե պետական մակարդակով գերիների հարցը բարձրացնելն Ալիևի ձեռքին զենք կդառնա՝ բանակցություններում այն օգտագործելու համար: Սակայն մեր աղբյուրն ասում է՝ իրականում ուղղակի Փաշինյանն իրեն ազատել է ավելորդ գլխացավանքից: Միաժամանակ, այս քայլով ակամայից հիմնավորել է Ալիևի այն պնդումները, թե Արցախի ռազմաքաղաքական ղեկավարները ոչ թե ռազմագերիներ են, այլ՝ տեռորիստներ, որոնք դատվում են ծանր հանցագործությունների համար։ Մենք փորձեցինք տեղեկությունը ճշտել իշխանական պատգամավորներից։ Հովիկ Աղազարյանը հաստատեց լուրը։ «Ադրբեջանական կողմը չի ընդունում նրանց որպես գերիներ, այլ կարգավիճակ է տվել, Արայիկ Հարությունյանին, Ռուբեն Վարդանյանին սահմանադրական կարգի տապալման մեջ է մեղադրում։ Հետևաբար, եթե Ադրբեջանը համաձայներ խաղաղության պայմանագրում ներառել գերիների հարցը, ապա պատասխան պիտի տար միջազգային հանրությանը, Ալիևին հարցնելու էին՝ բա եթե գերի են, ինչո՞ւ չես ազատել»,- ասաց ՔՊ-ական պատգամավորը։ Աղազարյանը կարծում է, որ պիտի մի քիչ ըմբռնումով մոտենալ՝ պնդելով, որ եթե գերիների հարցը ներառվեր բանակցություններում, ապա խաղաղության օրակարգը կմտներ փակուղի։ «Հիմա կանգնեինք՝ էդ պատճառի համար տորպեդահարեի՞նք խաղաղության պայմանագրի կնքման գործընթացը, որն առանց այդ էլ դժվար է»,-հռետորական հարց է հնչեցնում Աղազարյանը։ Իսկ այդ մարդկանց ճակատագրերով ո՞վ պետք է զբաղվի, եթե Հայաստանը պետական մակարդակով ձեռքերը լվանում, հրաժարվում է։ Ի պատասխան՝ ՔՊ-ական պատգամավորը նշեց, թե գերիներով համապատասխան մարմինները զբաղվում են, իսկ թե որ մարմիններն են զբաղվում, Աղազարյանը կոնկրետ չգիտեր։ Հիշեցնենք, որ Բաքվում ապօրինի կալանքի տակ են պահվում 8 գործիչներ՝ Արցախի նախկին նախագահներ Արկադի Ղուկասյանը, Բակո Սահակյանը, Արայիկ Հարությունյանը, ԱԺ նախագահ Դավիթ Իշխանյանը, նախկին ԱԳ նախարար Դավիթ Բաբայանը, ՊԲ նախկին հրամանատար Լևոն Մնացականյանը, նախկին պետնախարար Ռուբեն Վարդանյանը, ԶՈՒ շտաբի նախկին պետ Դավիթ Մանուկյանը»:
|
«Թուրքիայի ԲՐԻԿՍ-ին անդամության հարցը կձգեն՝ դրա գինը հնարավորինս բարձրացնելու համար»․ Հակոբ Բադալյան
2711:12«Բացահայտվել է ՄԱԿ-Ադրբեջան համաձայնագրի տեքստը՝ Բաքվում կայանալիք COP29-ի համար»․ Հարութ Սասունյան
7010:54«Իշխանության ներսում գզվռտոց է»․ Աննա Գրիգորյան (տեսանյութ)
6210:42ԱԺ-ն վավերացրեց ՀՀ-ի և Ադրբեջանի միջև սահմանազատման կանոնակարգը
4910:24ԱԺ նիստը՝ ուղիղ միացմամբ (տեսանյութ)
5510:06ՑԱԽԱԼ-ը հատնել է «Հեզբոլլահի» նոր ղեկավարի զոհվելու մասին
8609:42Քյարամյանի ուսուցիչը Գևորգ Կոստանյանն է․ «Հրապարակ»
10909:30Փաշինյանը կատարել է Ալիևի հերթական պահանջը․ «Հրապարակ»
21009:24