«Հայաստան՝ սահմանազատված սահմաններով, դա նշանակում է իրական Հայաստան»․ Նիկոլ Փաշինյան

«Մեր ընդդիմադիր գործընկերներն ասում են, որ սահմանազատումը չի կարող բխել Հայաստանի շահերից, որովհետև իրենց գործունեության հիմքում պատմական Հայաստանի տեսլականն է։ Դա տեսակետ է, որն իրենց տեսակետն է, որի հետ մենք համաձայն չենք»,- Աժ-Կառավարություն հարցուպատասխանի ժամանակ նշեց ՀՀ վարչապետ Նիկոլ Փաշինյանը։ «Կառավարության ծրագրի իրականացման ընթացքի զեկույցի քննարկման ժամանակ ես այս ամբիոնից խոսեցի այն մասին, որ այստեղ բառապաշարն ինչքան էլ լինի քաղաքական կամ պակաս, կամ ավել, իրականում այստեղ տեղի է ունենում շատ կարևոր և էական քաղաքական հայեցակարգային բանավեճ, և խոսեցի իրական և պատմական Հայաստանի մասին։ Ի՞նչ է նշանակում Հայաստան՝ սահմանազատված սահմաններով․ դա նշանակում է իրական Հայաստան»,- ասաց Փաշինյանը։