««Սրբազան պայքար»-ը քննադատում են մարդիկ, ովքեր Փաշինյանի հետ հանձնում էին Արցախը»․ Գառնիկ Դանիելյան

«Այսօր «Սրբազան պայքար»-ը քննադատում են այն մարդիկ, որոնք ոչինչ չեն արել, մատը մատին չեն տվել։ Արցախի կորստի ժամանակ, երբ տասնյակ հազարավոր քաղաքացիներ, քաղաքական գործիչներ դուրս եկան պայքարի, այդ մարդիկ ո՞ւր էին, Նիկոլ Փաշինյանի հետ զբաղված էին Արցախը հանձնելու գործընթացով»,-ընթացող ասուլիսի ժաման ասաց Գառնիկ Դանիելյանը։

«Կիրանցում տեղի ունեցած իրադարձությունները կարևո՞ր չէին իրենց համար։ Սրբազան շարժումը պատրաստ է բոլոր առաջարկները քննարկելու, պայքարի դռները բաց են բոլորի համար, այնպես որ համագործակցողը կհամագործակցի, պայքարողը կպայքարի, իսկ ստատուս գրողը կմնա ստատուս գրող»,-ասաց նա։
Անդրադառնալով ոստիկանության գործունեությանը Դանիելյանն ասաց․«Հայաստանի ոստիկանությունը ժողովրդավարական երկրների որևէ ոստիկանության հետ աղերս չունի։ Ես չեմ կարող արտաբերել այն բառերը, որոնք ոստիկանության կողմից հնչել են արցախցի մեր քույրերի ու եղբայրների, նույնիսկ տարեց մարդկանց հասցեին»։