«Փաշինյանին ամեն գնով «Խաղաղության պայմանագիր»-ը պետք է»․ Արմեն Ռուստամյան

Հայաստանն արդեն հասկանում է, որ առանց միջնորդի հնարավոր չէ խաղաղության պայմանագրի կնքումը, բայց որպես միջնորդ դիտում է Թուրքիային։ Այս մասին ԱԺ ճեպազրույցի ընթացքում նշեց «Հայաստան» խմբակցության պատգամավոր Արմեն Ռուստամյանը։
«Փաշինյանը, շատ պարզ, հրապարակային, դիմել է Թուրքիայի նախագահին, որ Էրդողանը միջամտի, որպեսզի Ադրբեջանի հետ խաղաղության պայմանագիրը կնքվի։ Այսինքն՝ ամեն գնով այդ փաստաթուղթն իրեն պետք է, որպեսզի հերթական խաբեությունն իրականացնի, որ մանդատ ստանա»,-ասաց նա։