«Պայմանագրի ո՞ր կետերի շուրջ կողմերը դեռևս համաձայնության չեն եկել»․ հարց՝ ԱԳ փոխնախարար Պարույր Հովհաննիսյանին

«Սպասում ենք Ադրբեջանի դրական արձագանքին, որը կնշանակի խաղաղության հաստատում»,- այս մասին այսօր «Ֆակտոր»-ի հետ զրույցում նշեց ՀՀ ԱԳ նախարարի տեղակալ Պարույր Հովհաննիսյանը՝ անդրադառնալով «Խաղաղության պայմանագրի» ստորագրման վերաբերյալ հարցին՝ հավելելով, որ պայմանագիրը գրեթե պատրաստ է ստորագրման։

Անդրադառնալով հարցին, թե քանի կետից է բաղկացած խաղաղության պայմանագիրը՝ փոխնխարարը պատասխանեց․ «17 գլուխներից կարծես թե 2-ի շուրջ ունենք տարաձայնություններ։ Ամեն դեպքում կարևորագույն կետերը համաձայնեցված են, դա է ամենակարևորը․․․ Ադրբեջանի կողմից դեռևս արձագանք չկա, սպասում ենք այդ ազդակին»։

Հարցին, թե որ կետերի շուրջ դեռևս համաձայնության չեն եկել՝ փոխնախարարը խուսափեց պատասխանելուց՝ նշելով․ «Չեմ կարող բացահայտել, քանի որ բանակցային գործընթացում մանրամասները բացահայտելը ընդունված պրակտիկա չէ»։