«Վահան Քերոբյանն ասում է՝ դուք խոչընդոտել եք իր աշխատանքը»․ լրագրողը՝ Տիգրան Խաչատրյանին

«Չկա նման բան, ես այդպիսի քննադատություն չեմ լսել»,- այսպես արձագանքեց փոխվարչապետ Տիգրան Խաչատրյանը՝ անդրադառնալով դիտարկմանը, որ Էկոնոմիկայի նախկին նախարար Վահան Քերոբյանը քննադատել է նրան՝ իր աշխատանքը խոչընդոտելու համար։

Դիտարկմանը, որ հարցազրույցում Քերոբյանը բացահայտումներ է արել՝ նշելով, որ Տիգրան Խաչատրյանը և Մհեր Գրիգորյանը խոչընդոտել են իր աշխատանքը, փոխվարչապետն արձագանքեց․ «Ասացի՝ չի եղել որևէ նման բան»։

Հարցին, թե ինչ հարաբերություններ է ունեցել Վահան Քերոբյանի հետ, Խաչատրյանը պատասխանեց․ «Նորմալ, աշխատանքային»։