«Բանակում 2022 և 2023 թվականների համեմատ ինքնասպանության դեպքերի աճ չկա»․ Էդվարդ Ասրյան

209

Երկուշաբթի, 28 հոկտեմբերի, 2024 թ., 16:42

ՀՀ ԶՈՒ ԳՇ պետ Էդվարդ Ասրյանը խորհրդարանում լրագրողների հետ ճեպազրույցում հայտարարեց, որ բանակում 2022 և 2023 թվականների համեմատ ինքնասպանության դեպքերի աճ չկա։ «Յուրաքանչյուր զինծառայողի կյանքը մեզ համար թանկ է, իսկ ինչ վերաբերում է քանակական համեմատականին, կարող եմ ասել, որ 2023 և 2022 թվականների համեմատությամբ, ինքնասպանության դեպքերի աճ չունենք»,- նշեց բարձրաստիճան պաշտոնյան, սակայն թվեր չհրապարակեց․ «Թվեր չեմ հրապարակի, որովհետև դա գաղտնիք է։ Ես թվեր ունեմ, բայց դա իմ կողմից հրապարակման ենթակա չէ»։