«ՔՊ-ի առաջարկը չե՞ք լսել, որ գազին կարող է այլընտրանք լինել աթարը»․ Գառնիկ Դանիելյան

Ինչպես հայտնել էինք Աժ-ում քննարկվում է ՀԾԿՀ նախագահի ընտրության հարցը։ «Հայաստան» խմբակցության պատգամավոր Գառնիկ Դանիելյանը, անդրադառնալով թեկնածու Մեսրոպ Մեսրոպյանի այն հայտարարությանը, թե ռուս էներգակիրներին հիմա այլընտրանք չի տեսնում, ասաց. «Դուք ՔՊ խմբակցության այլընտրանքային տարբերակները չե՞ք լսել՝ աթարի հետ կապված, որ գազին կարող է այլընտրանք լինել աթարը։ Այդ հարցը մի հատ քննարկեք, տեսեք։ Բավականին հետաքրքրիր առաջարկ է հնչել ՔՊ-ի կողմից»,-ասաց Դանիելյանը։
Պատգամավորը անդրադարձավ նաև ԱԺ փոխխոսնակ Ռուբեն Ռուբինյանի՝ դաշնակցականներին ուղղված հարցին, թե «004 շրջաբերականով ՀՀ-ի ինքնիշխանությունն եք մատաղ անելո՞ւ»։
«Ես հասկանում եմ, որ երեսպաշտությունը չափ ու սահման չունի, մատաղ անելուց եք խոսում։ Արցախը մատաղ արեցիք, ՀՀ-ից էլ տարածք չի մնացել, որ մատաղ չանեք՝ Սյունիքից, Տավուշից, Գեղարքունիքից։ Գոնե ամոնթ ունեցեք, դուք այդ մասին մի խոսեք»,-ասաց Դանիելյանը։