«Ապաշրջափակման հարցով Բաքվին առաջարկներ ենք ներկայացրել»․ Սարգիս Խանդանյան

«Ապաշրջափակման հարցով Բաքվին առաջարկներ ենք ներկայացրել, սպասում ենք արձագանքի»,- ԱԺ-ում լրագրողների հետ ճեպազրույցի ժամանակ հայտնեց ԱԺ արտաքին հարաբերությունների հանձնաժողովի նախագահ Սարգիս Խանդանյանը։

«Չեմ կարող մանրամասնել, բայց, ընդհանուր առմամբ, առաջարկների ոգին բխում է «Խաղաղության խաչմերուկ» նախագծից և այն պատկերացումներից, որոնք ՀՀ կառավարությունը ներկայացրել է այս վերջին տարիներին։ Առաջարկների հիմքում այդ երկու սկզբունքներն են՝ ինքիշխանությունը և իրավազորությունը»,-ասաց Խանդանյանը՝ նշելով, որ Բաքվից դեռևս գրավոր արձագանք չի եղել։