«Փաշինյանը բոլորի դեմ կոմպրոմատներ ունի, իր դեմ դուրս չեն գա»․ Դավիթ Գալստյան

«Փաշինյանը հերթական անգամ փորձում է հասարակությանը մոլորեցնել, մեղավորներ է փորձում գտնել, որպեսզի հավաստիացնի՝ իբր թե մտերիմներ չունի և իր համար կարևորը պետական ապարատի աշխատանքն է»,- «24TV»-ի հետ զրույցում նշեց Արցախի «Արդարություն» խմբակցության ղեկավար Դավիթ Գալստյանը։

«Նիկոլ Փաշինյանի պաշտոնավարումը խնդիր է և ոչ միայն համակարգային, այլ նաև ազգային,- ընդգծեց Գալստյանը,- Փաշինյանն իր խունտայով կործանման է տարել Արցախը և կործանում է Հայաստանը․ հենց դա մեր ազգային խնդիրն է»։

«Այս պաշտոնանկությունները ոչինչ չեն փոխելու․․․ Այդ մարդիկ շատ ինֆորմացիաների են տիրապետում, կարող են դրանք հանրայնացնել, ինչը կարող է ցնցումներ բերել Փաշինյանի աթոռին, նրանք տարիներ շարունակ Փաշինյանի հրահանգներն են կատարել․․․ Փաշինյանը բոլորի վրա կոմպրոմատներ ունի, իրեն հանցակից է դարձրել, բոլորն էլ մեղավոր են, դրա համար են շնորհակալություն հայտնելով հեռանում, որպեսզի ջրբաժան չառաջացնեն․․․

Իր դեմ դուրս չեն գա»,- հավելեց Գալստյանը։

Առավել մանրամասն՝ հարցազրույցում: