«Բա գիտեք, որ հարյուրավոր ավտոբուսներ, տասնյակ տրոլեյբուսներ ենք գնում, ո՞նց ենք անում»․ Տիգրան Ավինյան

«Երևանի քաղաքապետարանը շինարարության ոլորտից միայն այս տարի 18 մլրդ դրամ ավելի է հավաքագրել»,-Երևանի ավագանու նիստին ասաց քաղաքապետ Տիգրան Ավինյանը․ «Իսկ գիտե՞ք՝ Հայկ Մարությանի ժամանակ այդ ոլորտից ինչքան էր հավաքագրվում տուրքերի, վճարների տեսքով, զրո»,- ասաց նա՝ շեշտելով, որ քաղաքի սեփական եկամուտները վերջին տարիներին զգալիորեն ավելացել են․ «Քաղաքի սեփական եկամուտները 2021թ. կազմել են 33 մլրդ դրամ, 2022թ.՝ 39 մլրդ դրամ, 2023թ.՝ 61 մլրդ դրամ, իսկ 2025 թվականին լինելու է 90 մլրդ դրամ։ Բա գիտեք, տրանսպորտային համակարգը որ փոխվում է, ամեն տարի որ հարյուրավոր ավտոբուսներ, տասնյակ տրոլեյբուսներ ենք գնում, ո՞նց ենք անում»,- ասաց Ավինյանը։ Ի պատասխան ավագանու ընդդիմադիր անդամ Իզաբելլա Աբգարյանի, ով նրանց մեղադրել էր հանրային ֆինանսները անգրագետ ծախսելու մեջ, մատնանշեց, որ փող կա և դրանք նպատակային են ծախսվում։