«ՔՊ-ում կան մարդիկ, որոնք կուզեն Փաշինյանի հետ չգնալ ընտրության, այլ՝ առանձին». Տաթևիկ Հայրապետյան

«Նիկոլ Փաշինյանը նախընտրական շրջանում, իրեն հատուկ ոճով, ուղղակի ազատվում է այն ուժայիններից, որոնք իբր թե պետք է զբաղվեին նախկինների ձերբակալմամբ, կամ աղմկահարույց ինչ-որ բացահայտումներ պիտի անեին»,-168-ի եթերում նման տեսակետ հայտնեց ադրբեջանագետ Տաթևիկ Հայրապետյանը՝ անդրադառնալով վերջին պաշտոնանկություններին: Ադրբեջանագետը նշեց, որ ամեն պաշտոնանկ եղած իր պատճառն ունի. «Կան մարդիկ, որոնք կապված են այնպիսի անձերի հետ, որոնք առաջիկայում կարող են Նիկոլ Փաշինյանի դեմ դուրս գալ, կամ կփորձեն առանձին հանդես գալ այս ընտրություններում: ՔՊ-ում կան մարդիկ, որոնք կուզեին Նիկոլ Փաշինյանի հետ չգնալ ընտրության, այլ առանձին գնալ: Նիկոլ Փաշինյանը պետության անկախության հռչակագիրը կարող է համարել պետության սպառնալիք, հետո հանգիստ գնա տուն և, ուժայիններից ոչ մեկ պատասխանատվության չի ենթարկում այդ անձին, թե այդ ի՞նչ հայտարարություն ես արել: Ո՛չ ԱԺ-ն է պահանջում, ո՛չ ուժայիններն են պահանջում, ինքն էլ իրենցից sms-ով ազատվում է, ֆեյսբուքով նշանակում է»,-ասաց ադրբեջանագետը: