Վրաստանի վարչապետի պաշտոնում կրկին կառաջադրվի Իրակլի Կոբախիձեի թեկնածությունը

Իշխող «Վրացական երազանք» կուսակցությունը խորհրդարանի խոսնակի պաշտոնում վերանշանակել է Շալվա Պապուաշվիլիին, իսկ վարչապետի պաշտոնում՝ կառավարության ներկայիս ղեկավար Իրակլի Կոբախիձեին, հինգշաբթի ասել է քաղաքական ուժի գործադիր քարտուղար Մամուկա Մդինարաձեն։ Այս մասին հայտնում է «Ռիա Նովոստին»։
«Ինչպես գիտեք, մեր կանոնադրության համաձայն՝ կուսակցության պատվավոր նախագահն իրավունք ունի առաջադրել վարչապետի թեկնածու, և, հավանաբար, այնքան էլ զարմանալի չի լինի, որ Բիձինա Իվանիշվիլին Իրակլի Կոբախիձեի թեկնածությունն է առաջադրել։ Կարելի է նաև ասել, որ «Վրացական երազանք» խմբակցությունը խորհրդարանի նախագահի պաշտոնում կառաջադրի Շալվա Պապուաշվիլիի թեկնածությունը»,- ասել է Մդինարաձեն։
Ավելի վաղ Կոբախիձեն հայտնել էր, որ Վրաստանի կառավարության նոր կազմը խորհրդարանի հաստատմանը կներկայացվի նոյեմբերի 25-ին։