«Սահմանազատված սահմանին դիտորդ ունենալու կարիք չկա»․ Նիկոլ Փաշինյան

«Հանրային հեռուստաընկերության»-ը տված հարցազրույցում վարչապետ Նիկոլ Փաշինյանն, անդրադառնալով Ադրբեջանի պահանջին՝ Հայաստանի սահմանների երկայնքով տեղակայված ԵՄ դիտորդական առաքելությունը դուրս բերելու վերաբերյալ, նշեց. «Մենք Ադրբեջանին արել ենք հանդիպակաց առաջարկ՝ ասել ենք՝ շատ լավ, եկեք այդ կարգավորումն անենք սահմանազատված հատվածների նկատմամբ, որովհետև այն սահմանը, որ սահմանազատված է, այդտեղ օբյեկտիվորեն դիտորդ ունենալու կարիք չկա պարզապես»։

Խոսելով սահմանազատման գործընթացից՝ Փաշինյանն ասաց, որ երկու երկրների համապատասխան հանձնաժողովները առաջարկներ են ներկայացրել, թե որ հատվածներում շարունակեն սահմանազատումը․ «Հաջորդ հանդիպման ժամանակ կորոշվի, թե որ հատվածներում շարունակեն սահմանազատումը․․․ Ըմբռնումն այն է, որ COP29-ի ամփոփումից հետո պրոցեսները կշարունակվեն»։