«Փաշինյանի հարցազրույցը ոչ այլ ինչ էր, քան սեփական հանցագործության մասին հաղորդում»․ Հենրիխ Դանիելյան

ՀՀԿ երիտասարդական կազմակերպության ղեկավար Հենրիխ Դանիելյանի ֆեյսբուքյան գրառումը. «Նիկոլ Փաշինյանի հարցազրույցը ոչ այլ ինչ էր, քան փաստացի սեփական հանցագործության մասին հաղորդում։ Փաստորեն, Կարեն Անդրեասյանը ևս այն դատավորների ներկայացուցիչ էր, որոնց մասին նշվում էր՝ «Հայաստանում տենց դատավոր կա, որ ես իրան բան ասեմ չանի»։ Նիկոլ Փաշինյանը խոսում է Եվրոպայի հետ ավելի սերտ հարաբերություններ կառուցելու մասին, սակայն, զուգահեռ դրան, իր ղեկավարած կառավարությունը իրականացնում է խախտումներ բոլոր ուղղություններով՝ կոռուպցիա, մարդու իրավունքների ոտնահարում, դատաիրավական համակարգի տոտալ յուրացում և այլ խախտումներ»։