«Նիկոլը որոշել է Գյումրիում իրավական ու քաղաքական աճպարարությունների դիմել»․ Դերենիկ Մալխասյան

Քաղաքական մեկնաբան Դերենիկ Մալխասյանի ֆեյսբուքյան գրառումը․ «Փաստորեն Նիկոլը վախենում է Գյումրիում ընտրությունների գնալ՝ համոզված լինելով, որ խայտառակ պարտվելու է։ Գյումրիում ՔՊ-ի հաղթանակի համար կա՛մ պետք է ընտրությունների ժամանակ այլանդակ կեղծիքների գնան, կա՛մ դիմեն շամանների օգնությանը։ Վերջիններս հազիվ թե ուզենան ՔՊ-ի նման քաղաքական ուժի հետ գործ ունենալ, իսկ հսկայածավալ ընտրակեղծիքների տակից էլ դժվար է դուրս գալը։
Ուստի որոշել է իրավական ու քաղաքական աճպարարությունների դիմել, նախնական ընտրություն անունով ինչ-որ մեխանիզմ են հնարել, ինչը իրականում ընտրություններ անցկացնելու իմիտացիա է։
Մի կողմից գյումրեցիների համար պատրանք են ստեղծելու, թե ՔՊ-ի մեջ իշխանության թեկնածուի ընտրությունը իբր Գյումրու քաղաքապետի ընտրություն է, մյուս կողմից էլ Գյումրիում ՔՊ-ականների մեջ տեղի ունեցող «բազարներին» հանգուցալուծում են տալիս»։