ԵՄ-ն կարող է պատժամիջոցներ կիրառել Վրաստանի դեմ

ԵՄ դիվանագիտությունը (նոր ղեկավար Քաջա Կալլասի գլխավորությամբ) Վրաստանում բողոքի ցույցերի ֆոնին իշխող կուսակցության՝ եվրոպական ինտեգրումից հրաժարվելու պատճառով, հարավոր է, սահմանափակումներ մտցնի վիզաների տրամադրման հարցում, հայտնում են արտասահմանյան լրատվամիջոցները։

Կալլասը ընդգծել է, որ «խաղաղ ցուցարարների նկատմամբ բռնությունն անընդունելի է, և Վրաստանի կառավարությունը պետք է հարգի վրաց ժողովրդի կամքը և երկրի Սահմանադրությունը»։

ԵՄ պատժամիջոցները կարող են սահմանվել միայն բոլոր անդամ երկրների համաձայնությամբ, մինչդեռ Հունգարիայի վարչապետ Վիկտոր Օրբանը վերջերս աջակցություն է հայտնել Վրաստանի իշխանություններին, նշում է գործակալությունը։