Թբիլիսիում հատուկջոկատայինները վաղ առավոտյան ցրել են ակցիան

Թբլիսիում ամբողջ գիշեր շարունակվել են բախումները հատուկջոկատայինների և ցուցարարների միջև։ Առավոտյան ժամը հինգի դրությամբ Ռուսթավելի պողոտայում ոստիկանները շարունակել են կիրառել արցունքաբեր գազ, իսկ ցուցարարները պատասխան կրակ են բացել ճայթռուկներով։
Հատուկջոկատայինները առավոտյան ցրել են մնացած ցուցարարներին՝ կրկին կիրառելով արցունքաբեր գազ։ Կան ձերբակալվածներ: Ոստիկանները Թբիլիսիի կենտրոնում ապամոնտաժում են ցուցարարների կառուցած բարիկադները։

Թբիլիսիում հակակառավարական ցույցերի չորս օրվա ընթացքում, ըստ ՆԳՆ տվյալների, տուժել է 113 ոստիկան: