«Աղազարյանը հիմա դահլիճում նստած է, չէ՞, պադյեզդում իրա վրա չեն հարձակվում»․ Ալեն Սիմոնյան

«Վարչապետը պատգամավորին խնդրում է մանդատը վայր դնել, ստացվում է՝ եթե ասի գլուխկոնծի տվեք, տալու եք, ասի թռվռացեք այծիկի վրա, դա էլ եք անելու»,- ճեպազրույցի ժամանակ լրագրողի այս դիտարկմանն արձագանքելով՝ Աժ նախագահ Ալեն Սիմոնյանն օրինակով պատասխանեց․ «Հիմա եթե ձեզ խնդրեմ այս կողմ կանգնեք, կկանգնե՞ք։ Այո, իսկ եթե խնդրեմ գլուխկոնծի տաք, կտա՞ք, ոչ։ Բա ինչո՞ւ եք մեկը մյուսի հետ համեմատում։ Վարչապետը «Քաղաքացիական պայմանագիր» կուսակցության վարչության նախագահն է, ՀՀ ղեկավարն է և խնդրանքով է հանդես եկել։ Պատգամավորն էլ իր խիղճը ծանր-թեթև է արել ու մերժել է այն։ Պարոն Աղազարյանը հիմա դահլիճում նստած է, չէ՞, պադյեզդում իրա վրա չեն հարձակվում, քրեական գործ դրա առումով չի հարուցվում»,- ասաց Ալեն Սիմոնյանը՝ հավելելով, որ վարչապետը լիովին իրավունք ուներ նման խնդրանքով հանդես գալու։