Գյումրիում մեկնարկել են նախնական ընտրությունները

Ինչպես հայտնի է, ՀՀ վարչապետ Նիկոլ Փաշինյանը հայտարարել էր, որ Գյումրիում դեկտեմբերի 8-ին, 9-ին, 10-ին տեղի կունենան նախնական ընտրություններ։ Քաղաքապետի ժամանակավոր պաշտոնի համար պայքարում է 7 թեկնածու։ ««Քաղաքացիական պայմանագիր» կուսակցության ներկայացուցիչների կողմից կիրականացվի նախնական քվեարկությունը, պատահական ընտրանքով տարբեր տեղերում գյումրեցիներին կառաջարկվի քվեաթերթիկ, որով նրանք կքվեարկեն թեկնածուներից մեկի օգտին։ Հայտարարել եմ, որ հաղթած թեկնածուին կնշանակեմ քաղաքապետի ժամանակավոր պաշտոնակատար»,- ասել էր Փաշինյանը։