ԻՊ-ն ստանձնել է Քաբուլում փախստականների նախարարի մահվան պատճառ դարձած պայթյունի պատասխանատվությունը

«Իսլամական պետություն» ահաբեկչական կազմակերպությունը ստանձնել է Քաբուլում տեղի ունեցած պայթյունի պատասխանատվությունը, որի հետևանքով սպանվել է թալիբների փախստականների նախարար Խալիլ Հաքանին, հայտնում է Aamaj News-ը։

«ԻՊ-ը հայտարարել է, որ Խալիլ Հաքանին սպանվել է խմբավորման անդամ մահապարտներից մեկի կողմից ահաբեկչական հարձակման հետևանքով», - ասվում է հայտարարության մեջ:
Նախօրեին կառավարության խոսնակ Զաբիհուլլա Մուջահիդը հայտնել էր, որ նախարարը զոհվել է Քաբուլում պայթյունի հետևանքով։ Հեռուստաալիքներից մեկը հայտնել էր նաև մի քանի այլ զոհերի մասին։