«Արդեն թալանվածը հարկատեսակի փոփոխությամբ հետ բերել հնարավոր չէ». Բաբկեն Հարությունյան

«Հայրենիք» կուսակցության անդամ Բաբկեն Հարությունյանի ֆեյսբուքյան գրառումը. «Ժողովրդի ամենամեծ պահանջներից մեկը թալանված փողերը պետությանը վերադարձնելն է։ Առավել ևս, երբ խոսքը վերաբերում է խոշոր բիզնեսին և օլիգարխներին։ Նիկոլը դա լավ է հասկանում և հերթական շոուի միջոցով փորձում վերականգնել ժողովրդի անվերադարձ կորցված վստահությունը։ Հարց է առաջանում, ինչպե՞ս է նա խոստանում թալանվածը ետ բերել՝ շրջանառության հարկի համակարգում փոփոխություն անելով։ Թող հստակ մեխանիզմը ասի, բայց չի ասի, չի էլ կարող ասել, քանի որ արդեն թալանվածը հարկատեսակի փոփոխությամբ հետ բերել հնարավոր չէ։ Կանխել ընթացիկ թալանը, խախտումները հնարավոր է, բայց վերադարձնել՝ ոչ։
7 տարի իշխանության գլխին լինելով՝ Նիկոլը խոշոր բիզնեսների ստվերը կրճատելու համար որևէ լուրջ քայլ չի արել, հիմա էլ փորձում է ստեղծել տպավորություն, թե իբր նոր է իմացել կամ հասկացել խոշոր բիզնեսի և օլիգարխների խախտումների մասին։
Թալանի և խախտումների մասին ընդդիմադիր Նիկոլի խոսքերը կրկնում է 7 տարվա վարչապետ Փաշինյանը։ Հո դիմացը բան չի սպասվո՞ւմ...»: