«Միհրանյանի նմանների մուտքը վաղուց պետք է արգելվեր»․ Միքայել Հայրապետյան

«Եթե այս ամբողջը մեր իշխանությունների կողմից ողորմելի դերասանություն չէ, ապա դա պետք է լիներ 2018 թվականից, պարոն Փաշինյանի իշխանության անցնելու հենց հաջորդ օրվանից»,- «Առաջին լրատվական»-ի եթերում հայտարարել է հասարակական գործիչ Միքայել Հայրապետյանը՝ անդրադառնալով մոսկվաբնակ քաղաքագետ Անդրանիկ Միհրանյանի մուտքը ՀՀ արգելելուն։
Հայրապետյանը հիշեցրել է Միհրանյանի՝ նախկինում արտաբերած խոսքերը․ «Ես ամաչում եմ, որ հայ եմ», ապա հավելել․ «Ես էլ ասացի՝ թող վեր ընկնի տեղը, իսկ ո՞վ ասաց, որ ինքը հայ է․․․Անդրանիկ Միհրանյանի նմանների մուտքը, այո, միայն մեր ազգային-պետական արժանապատվությունը վիրավորելու համար պետք է արգելել՝ դա միանշանակ է»,- շեշտել է բանախոսը։