«Մոտ օրերս լավ բացահայտում է լինելու, ինչը շատ կարևոր է Հայաստանի համար»․ Անդրանիկ Քոչարյան

«Եթե ինձ վտանգ սպառնա՝ դու կմնաս անպաշտպան», - դեկտեմբերի 17-ի ճեպազրույցի ժամանակ դիմելով լրագրողներից մեկին՝ ասաց ԱԺ «ՔՊ» խմբակցության պատգամավոր Անդրանիկ Քոչարյանը՝ պատասխանել այն հարցին, թե «ՔՊ» խմբակցության մեջ տարեցների հանդեպ ծավալված շարժման շրջանակներում իրեն վտանգ չի՞ սպառնում։
«ՔՊ-ն ոչ մեկի դեմ դուրս չի եկել, բայց ես պաշտպանության հանձնաժողովի նախագահ եմ, և պարտավոր եմ նաև ձեզ պաշտպանել»,- նշեց նա։
Խոսելով ՀՀ ինքնիշխան տարածքում ադրբեջանական զորքի առկայության մասին, Քոչարյանը նկատեց, որ թշնամին ժամանակավորապես է օկուպացրել հայկական դիրքերը, մենք էլ ժամանակին ուրիշ դիրքերում էինք, զսպանակի պես գնում-գալիս է, աշխարհը փոխվում է։
Հարցին, թե վաղ թե ուշ թշնամու զորքերը պետք է դուրս գան ՀՀ օկուպացված տարածքից, Քոչարյանն ասաց․ «Բնականաբար»։
Ճեպազրույցի ավարտի Քոչարյանը նաև հայտնեց․ «Մոտ օրերս լավ բացահայտում է լինելու, ինչը շատ կարևոր է Հայաստանի համար»,- ասաց նա՝ նշելով, որ բացահայտումը վերաբերելու է անտվանգային ոլորտին, որը կներկայացվի հանրությանը։

Լրագրողները հետաքրքրվեցին՝ կոռուպցիայի մասի՞ն է լինելու՝ արձագանքեց. «Ո՛չ, ավելի մեծ վտանգ ներկայացնող»։