«Պաշտոնական մակարդակով պետք է համարժեք պատասխան տրվի բռնապետի մանիպուլյացիաներին»․ Արթուր Սաքունց

Իրավապաշտպան Արթուր Սաքունցի ֆեյսբուքյան գրառումը․ «Իլհամ Ալիևը, որը բանտերը լցնում է քաղաքական այլախոհներով, լրագրողներով ու իրավապաշտպաններով, ու իր ռեժիմի հետապնդումներից իր իսկ պետության քաղաքացիները գլխապատառ փախչում են Ադրբեջանից, որոշել է երևալ իբր թե մարդասիրությամբ։ Իրականում մարդկանց օգտագործում է Հայաստանի նկատմամբ ագրեսիան շարունակելու նպատակով, սա ակնհայտ է, ու այդ մասին պետք է բարձրաձայնել։
Իսկ որպես փաստ, նշենք, ըստ Անի հայկական ուսումնասիրությունների կենտրոնի հրապարակած կենտրոնի հրապարակած տվյալների համաձայն 1980թ-ին, Խորհրդային Միության հինգերորդ մարդահամարի համաձայն, Խորհրդային Հայաստանի բնակչության թիվը կազմել է 3 037 259, որի 89,7 տոկսը կամ 2 724 975-ը՝ հայեր: Ադրբեջանցիների թիվը 160 841 էր կամ 5,3 տոկոսը: Խորհրդային Ադրբեջանում հայերի թիվը 475 486 էր:
Նախ՝ որտեղի՞ց այդ 300 հազարը, երկրորդ՝ իսկ որտե՞ղ են 475 հազարից ավել հայերը, ովքեր ապրում էին Խորհրդային Ադրբեջանի տարածքում։ Իհարկե, որևէ խելամիտ մարդ, այն էլ էթնիկ հայ, գլխիցը ձեռք չի քաշել ապրել Ադրբեջանում, որտեղ հայատյածությունը պաշտոնական քաղաքականություն է, բայց պետք է համարժեք պատասխան տրվի բռնապետի նման հրապարակային մանիպուլիացիաներին հենց պաշտոնական մակարդակով։
Ի վերջո, մի կարևոր հանգամանք։ Էթնիկ հայերի արտագաղթը Ադրբեջանից, և էթնիկ ադրբեջանցիների արտագաղթը Հայաստանից տեղի է ունեցել Սովետական Միության օրոք, և այդ տեղահանման համար պատասխանատու է հենց Սովետական Միությունը, որը չկա, բայց կա նրա իրավահաջորդ Ռուսաստանի Դաշնությունը, որը հենց Սովետի փոխարեն մնաց ՄԱԿ Անվտանգության խորհրդի կազմում։
Հարցեր ունես, պահանջի Պուտինից»։