«Նիկոլ Փաշինյանը «բարի ցարի» և «վատ բոյարների» պարզունակ հնարք է բանեցնում»․ Հակոբ Բադալյան

Քաղաքական մեկնաբան Հակոբ Բադալյանի ֆեյսբուքյան գրառումը․ «Նիկոլ Փաշինյանը կառավարության նիստում «ցուցադրաբար» նյարդայնանում է, թե մարդկանց՝ հեղեղումից տուժածներին, փող պետք է տրվի, բայց բյուրոկրատական տարուբերումներ են և այլն:

Մարդկանցից շատերն էլ գուցե կլսեն, կասեն՝ տես է, թե մեր նյարդերի հետ են խաղում ապաշնորհ չինովնիկները, թե էս մարդը՝ մինչև չնյարդայնանա, հարց չի լուծվում:

Փաշինյանի հնարքը հաշվարկված է, իհարկե, հենց այդ շերտերի վրա:

Որովհետև ավելի կրթված՝ ոչ նորաձևության համար, այլ պարզապես կրթված, գրագետ, մտածելու կարողությամբ աչքի ընկնող հանրությունը նվազագույնը հարց կտա, թե այս տարիների ընթացքում ի՞նչ է արվել՝ քաղաքացուն մատուցվող պետական ծառայությունների մեխանիզմները պարզեցնելու, որակը բարձրացնելու համար, որպեսզի չլինի կառավարության նիստերում «բարի ցարի» և «վատ բոյարների» պարզունակ հնարք բանեցնելու անհրաժեշտություն:

Չի արվել գործնականում ոչինչ»: