Բրազիլիայում ավտոբուսի և բեռնատարի բախման հետևանքով առնվազն 22 մարդ է մահացել

1937

Շաբաթ, 21 դեկտեմբերի, 2024 թ., 20:31

Առնվազն 22 մարդ է զոհվել Բրազիլիայի արևելքում ավտոբուսի և բեռնատարի բախման հետևանքով։ Այս մասին հայտնում է G1 հարթակը՝ հղում անելով հրշեջ ծառայությանը։

Նրա խոսքով՝ ավտոբուսի անվադողը պայթել է, ինչի հետևանքով վարորդը կորցրել է կառավարումը և բախվել բեռնատար կցասայլին։ Դրանից հետո հետևից ընթացող մեքենան մխրճվել է ավտոբուսի մեջ։ Բախման հետևանքով ավտոբուսը բռնկվել է։

13 մարդ տեղափոխվել է հիվանդանոց։ Վթարի պատճառով ավտոճանապարհի հատվածում երթևեկությունն ամբողջությամբ արգելափակված է։

Ավտոբուսը Սան Պաուլոյից ուղևորվելիս է եղել Բահիա նահանգի Վիտորիա դա Կոնկիստա քաղաք։