«Խաղաղության օրակարգը եթե Ադրբեջանի հետ խաղաղություն է ենթադրում, ինչո՞ւ է Ադրբեջանը անընդհատ նոր զենքեր գնում»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Հին Հռոմում ասում էին՝ խաղաղություն ես ուզում, պատրաստվի՛ր պատերազմի։

Նիկոլ Փաշինյանն ասում է, որ Հայաստանի բանակը պետք է խաղաղության օրակարգի տրամաբանության մեջ տեղավորվի։ Փաշինյանն Արցախը տարօրինակ պատերազմով հանձնեց, 2022թ․ հոկտեմբերի 6-ին Պրահայում Արցախը ճանաչեց Ադրբեջանի մաս, Գորիս-Կապան ավտոճանապարհը, Սև լիճը, սարերի ձյունապատ դիրքերը, Ջերմուկի մոտակա բարձունքները, Գեղարքունիքի սարերը, այս տարի էլ Ոսկեպարի մերձակա պաշտպանական դիրքերը, Բաղանիս-Այրումի տարածքները և Իջևանի Կիրանց գյուղի հողերը հանձնեց Ադրբեջանին, սակայն Ադրբեջանի հետ խաղաղության պայմանագիր չկնքվեց։ Ընդհակառակը, Ադրբեջանի բռնապետ Իլհամ Ալիևը նոր պահանջներ ներկայացրեց Հայաստանին՝ ՀՀ Սահմանադրության փոխում, ԵԱՀԿ Մինսկի խմբի լուծարում, Հայաստանի սահմաններից եվրոպական դիտորդների հեռացում, 300 հազար ադրբեջանցիների «վերադարձ Արևմտյան Ադրբեջան», Հայաստանի բանակի չվերազինում։ Այս վերջին պահանջն էլ Նիկոլ Փաշինյանը վերաշարադրել է որպես սեփական տեսակետ, սեփական օրակարգ։ Փաշինյանի խաղաղության օրակարգը եթե Ադրբեջանի հետ խաղաղություն է ենթադրում, այդ դեպքում ինչո՞ւ է Ադրբեջանը 2025 թվականի ռազմական բյուջեն դարձրել 5 միլիարդ դոլար, անընդհատ նոր զենքեր է գնում։ Ո՞ւմ դեմ է Ադրբեջանն օգտագործելու այդ զենքերը»։