«Առանց փաստաթղթի ապրանք հայտնաբերվելու դեպքում տնտեսվարողը պետք է հավելյալ քսան տոկոս հարկ վճարի»․ Վահե Հովհաննիսյան

821

Չորեքշաբթի, 25 դեկտեմբերի, 2024 թ., 11:48

«Նախկինում շրջանառության հարկ վճարողները փաստաթղթավորման պահանջ չունեին․ հիմա՝ 2025 թվականից ունեն փաստաթղթավորման պահանջ»,- դեկտեմբերի 25-ի ամփոփիչ ասուլիսում հայտնեց ՀՀ Ֆինանսների նախարար Վահե Հովհաննիսյանը։ Նա նշեց, որ եթե ՊԵԿ-ը որևէ տեղ ստուգում իրականացնի և առանց փաստաթղթի ապրանք հայտնաբերի, դրա համար հավելյալ քսան տոկոս հարկ պետք է վճարի տնտեսվարողը։

«Տարբեր գործողություններով մենք փորձում ենք էս հարցը կարգավորել և ստվերի դեմ պայքարը, որին բոլորը երևի կողմ են, որովհետև էդ ստվերը ստեղծում ա հերթական անարդարությունը, մարդիկ գործում են ստվերում և հակամրցակցային իրավիճակ է ստեղծվում»,- ասաց Հովհաննիսյանը։ Նա շեշտեց, որ ստվերային դաշտում գործելն ավելի ռիսկային և ծախսատար է դարձել։