«Ո՛չ, չեմ պատրաստվում որևէ բան վերականգնել»․ Վահե Հովհաննիսյան

«Էդ պարտքը, որը իմ հայտարարագրում հաշվառված էր, ինքը չի անհետացել, իր անհետանալը ոչ թե վրիպակ ա, այլ էն պատճառով ա, որ ինձ պատկանող գույքը և էդ պարտքը զիջվել ա երրորդ անձի»,- դեկտեմբերի 25-ի ամփոփիչ ասուլիսում հայտնեց ՀՀ Ֆինանսների նախարար Վահե Հովհաննիսյանը՝ ի պատասխան դիտարկմանը, որ իր հայտարարագրում մեկ միլիոն դոլարի փոխառությունը չի նշել։ «Հնարավո՞ր է՝ դուք էլ, Երևանքի քաղաքապետ Տիգրան Ավինյանի օրինակով, փոխհատուցեք այդ մեկ միլիոնի ծախսը» հարցին պատասխանելով՝ նախարարն ասաց․ «Ինչ վերաբերվում է վերականգնմանը, ես չեմ կարծում, թե որևէ բան է տեղի ունեցել, որը ես պետք ա վերականգնեմ։ Ձեր հարցի պատասխանն է՝ ոչ, ես չեմ պատրաստվում որևէ բան վերականգնել, որովհետև որևէ մեկին որևէ վնաս չեմ տվել»։