Գազայում իսրայելական հարձակման հետևանքով 5 լրագրող է մահացել

2074

Հինգշաբթի, 26 դեկտեմբերի, 2024 թ., 11:37

Գազայի հատվածի կենտրոնում իսրայելցի զինվորականները հարձակվել են Al-Quds հեռուստաալիքի մեքենայի վրա, հինգ լրագրող է զոհվել, հայտնում է Պաղեստինի կառավարության մամուլի ծառայությունը։
«Գազայի հատվածի կենտրոնում գտնվող Նուսեյրաթ ճամբարում «Ալ-Քուդս» հեռուստաալիքի ուղիղ հեռարձակման համար սարքավորումներ տեղափոխող մեքենայի վրա իսրայելական հարվածի հետևանքով զոհվել է հինգ լրագրող»,- ասվում է մամուլի ծառայության հաղորդագրության մեջ։
Այսպիսով, Գազայի հատվածում Իսրայելի ռազմական գործողության մեկնարկից ի վեր լրատվամիջոցների սպանված աշխատակիցների թիվը հասել է 201-ի։