Նիկոլ Փաշինյանը՝ ԵԱՏՄ-ում ՀՀ նախագահության հիմնական առաջնահերթությունների մասին

Սանկտ Պետերբուրգում այսօր անցկացվեց ԵԱՏՄ բարձրագույն խորհրդի նիստը՝ վարչապետ Նիկոլ Փաշինյանի հեռավար նախագահությամբ: Իր խոսքում Փաշինյանը նշել է, որ ավարտվում է միությունում Հայաստանի նախագահության ժամկետը, շեշտել, թե որոնք են եղել Հայաստանի նախագահության առաջնահերթությունները:

«Մեր նախագահության հիմնական առաջնահերթությունները, ինչպես գիտեք, վերաբերում էին տնտեսական գործակցության առանցքային ոլորտներին, էներգետիկ ոլորտում ընդհանուր շուկաների ստեղծմանը, ԵԱՏՄ ներքին շուկայում խոչընդոտների վերացմանը, տրանսպորտային և լոգիստիկ ենթակառուցվածքների զարգացմանը և միջազգային հարաբերությունների ամրապնդմանը։ Առաջնահերթությունների թվում էին նաև գործակցության ներուժի և թվային տեխնոլոգիաների զարգացումը, նաև ՏՏ համայնքների ջանքերի համախմբումը գյուղատնտեսության ոլորտում նորարարական լուծումներ ներմուծելու համար»,- ասել է Փաշինյանը՝ նշելով, որ մանրամասները հանձնաժողովի կողմից ավելի դետալային կքննարկվեն պլանի կատարումն ամփոփելիս։