«Բանակցային ամբողջ ընթացքը սխալ է եղել»․ Սամվել Բաբայան

«Բանակցային ամբողջ ընթացքը սխալ է եղել, մեկը չէ, երկուսը չէ, չորսն էլ սխալ են բանակցել»,- այս մասին «Մերոնք» հաղորդման եթերում ասել է Արցախի ՊԲ նախկին հրամանատար, «Միասնական հայրենիք» կուսակցության նախագահ Սամվել Բաբայանը՝ հավելելով՝ մեր առաջարկը, այսպես ասած՝ կռված տղոց առաջարկը «աբսալյուտ» ուրիշ էր, որը ես ներկայացրել եմ։

«Լևոն Տեր-Պետրոսյանը հրաժարվեց, որովհետև իր՝ փուլային տարբերակով առաջարկը չէր ընդունվում, էն մեկն ասում է՝ չէ, փաթեթային, մյուսն ուրիշ բան է ասում, բայց ի վերջո փաթեթով հանձնենք, թե կես-կես հանձնելով գանք, սկզբունքը նույնն է․ սա է խնդիրը․․․ Արդյունքում մենք արդեն կորցրել ենք, ճիշտ կլինի սխալները վեր հանել, քննարկել, հասկանալ՝ ինչ սխալներ ենք արել, չվախենալ սխալներից․ արել ես, խոսի՛ էլի․․․ Հենց դրա համար ենք մենք պարտվել՝ իրար վրա գցելով։ Փաշինյանը այն ժամանակ, որ վերցրեց իշխանությունը, այդ ժամանակ պետք է բանավեճ հրավիրեր և ճշտեր այս հարցերը»,- նշեց Բաբայանը։