«Թիվ մեկ խնդիրը` պահել Հայաստանի Հանրապետությունը, նրա անկախությունն ու ժողովրդագրությունը». Թաթուլ Հակոբյան

Լրագրող Թաթուլ Հակոբյանի ֆեյսբուքյան գրառումը. «2023 թվականին մենք կորցրեցինք Արցախն ու արցախահայությանը: Այսօր թիվ մեկ նպատակը պետք է լինի արցախահայությանը Հայաստանում պահելը:
1988-1990 թվականներին մենք կորցրեցինք ադրբեջանահայությանը, որի մեծ մասը ցաքուցրիվ եղավ աշխարհում և միայն փոքր մասը մնաց Հայաստանում:
1919 թվականին մենք կորցրեցինք Նախիջևանը, իսկ նախիջևանահայության մեծ մասը տեղափոխվեց Հայաստան:
1919 թվականին մենք կորցրեցինք Կարսը, իսկ կարսահայության մեծ մասը տեղափոխվեց Հայաստան:
1915 թվականին և Հայոց ցեղասպանությանը հաջորդած շրջանում մենք կորցրեցինք արևմտահայությանը:
Այսօր՝ 2025-ի նախօրեին, մեր խնդիրը պետք է լինի հայությանը պահել մեր հարևան Վրաստանում՝ Թբիլիսում, որտեղ ունենք շուրջ 60 հազար հայ, և Ջավախքում:
Թիվ մեկ խնդիրն անշուշտ, Հայաստանի Հանրապետությունն է՝ նրա անկախությունը, ինքնիշխանությունն ու ժողովրդագրությունը»։