«ՀՀ տնտեսությունն արագ տեմպերով սկսում է սառչել». «ՀայաՔվե»

«ՀայաՔվե»-ի ֆեյսբուքյան գրառումը. «ՀՀ տնտեսությունը, երկու տարվա հարաբերական աճից հետո, արագ տեմպերով սկսում է սառել:
ՌԴ-ից եկած ռելոկանտները հետ են վերադառնում, ՌԴ-ի հետ վիթխարի տրանզիտային հոսքերն աստիճանաբար նվազում են: ՏՏ սեկտորն այս տարի նահանջ է ապրել, այդ թվում՝ ռուսական ընկերությունների հեռանալու պատճառով, սակայն հայկականների զարգացման տեմպերը ևս ընկել են:
Հաջորդ տարվա համար ընդունված է ռեկորդային դեֆիցիտով պետական բյուջե, որը բերելու է անխուսափելի ինֆլյացիոն երևույթների, դրամի արժեզրկման և պետական պարտքի աճի: Տնտեսության մեջ ներդրումները նվազել են, պլանավորված հարկային մուտքերը չեն հավաքագրվում:
Փոխարենը՝ հարկային բեռը մեծացվում է՝ ավելացվում է գույքահարկը և շրջանառության հարկը, որն առավելապես խփելու է փոքր տնտեսվարողներին»: