«Ուորեն Բաֆետն առաջարկում է բյուջեի դեֆիցիտի հարցը հինգ րոպեում լուծելու տարբերակ». Հակոբ Բադալյան

Քաղաքական մեկնաբան Հակոբ Բադալյանի թելեգրամյան գրառումը. «Ամերիկացի միլիարդատեր Ուորեն Բաֆետը առաջարկում է բյուջեի դեֆիցիտի հարցը հինգ րոպեում լուծելու տարբերակ: Նա նշում է, որ պարզապես պետք է ընդունել օրենք, ըստ որի, եթե բյուջեի դեֆիցիտը գերազանցում է ՀՆԱ երեք տոկոսը, ապա Կոնգրեսի գործող որևէ անդամ չունի վերընտրվելու իրավունք:
Համաձայնեք, նույնիսկ հանճարեղության ձգտող առաջարկ է: Եվ սա ասում եմ առանց հեգնանքի:
Պետական գործերի արդյունավետությունը էապես կախված է այն հանգամանքից, թե այդ գործերի համար պատասխանատուները ինչ մեխանիզմներով են հաշվետու հանրությանը: Ի վերջո, նրանք ամեն ձախողման ելք կարողանում են գտնել պոպուլիզմի միջոցով, առավել ևս մեդիանենգափոխումների այսօրվա տեխնոլոգիական պայմաններում:
Մինչդեռ, երբ պարզապես օրենսդրորեն արգելվում է լինել պետության ղեկին, եթե պետությունը չի շարժվել բավարար արագությամբ և բավարար կանոնավորությամբ, ապա այդտեղ արդեն չի փրկի ոչ մի պոպուլիզմ:
Ընդ որում, Բաֆետի առաջարկած մեթոդը թերևս հիանալի տարբերակ է Հայաստանի համար: Դա թույլ կտա նաև մեկընդմիշտ փակել «նախկինների» թեման և ստիպել որևէ «ներկայի» մշտապես անձնապես պատասխանատու լինել ցուցանիշների համար:
Իհարկե, թե՛ ԱՄՆ-ում, թե՛ Հայաստանում, և թե՛ թերևս այլուր այդպիսի մեխանիզմի ընդունումը գործնականում աներևակայելի է»:

«Այո, 4 հոգանոց ընտանիքի մեկ օրվա սննդի վրա մոտ 15 հազար է ծախսվում». Կարեն Վրթանեսյան
28319.11.2026, 20:54
«Գազի գնի 10%-ով թանկացումը բերելու է 0,6% գնաճ»․ Մարտին Գալստյան (տեսանյութ)
26719.11.2026, 16:42
Կալասը հայտարարել է Ռուսաստանի դեմ պատժամիջոցների 22-րդ փաթեթի մասին
156016.11.2026, 22:49
Օդեսայում՝ Mercedes-Benz-ի ավտովաճառքի սրահում հրդեհ է բռնկվել
127115.11.2026, 19:19
Խաղողագործներին փող չեն տալիս․ «Հրապարակ»
74514.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
166113.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
75412.11.2026, 16:00
Ուկրաինական հարվածները փլուզել են Ռուսաստանի նավթավերամշակումը. Reuters
200910.11.2026, 19:37