«Ամեն ինչը Եռաբլուրում ենք դիմավորում»․ զոհված Ժորա Սարգսյանի մայր

«Մեր ամեն ինչը դիմավորում ենք «Եռաբլուր»-ում, մեր տունն է դարձել»,- որդու շիրմաքարի կողքին տոնածառ տեղադրելով ասում է 44-օրյա պատերազմում զոհված Ժորա Սարգսյանի մայրը՝ Արմինե Սարդարյանը․ «Ամեն տարի տոնածառ եմ դնում, ու միշտ տարբեր։ Իր սիրած տոնածառը սպիտակն է, դա էլ կհասցնեմ դնել»,- ասում է տիկին Արմինեն՝ պատմելով որդու մասին, հիշելով նրա վերջին զանգն ու մահվան լուրը ստանալու պահը․ «Չհասկացանք՝ ինչի համար զոհվեցին, որտեղ որ ծառայում էր, այդ հողերն էլ վաղուց չկան, էդ էլ նվիրաբերեցին։ Եթե պիտի ամեն ինչ նվիրաբերեին, ավելի լավ էր մեր էս բոլոր երեխաներին հետ ուղարկեին։ Ինչ ուզում էին, թող նվիրաբերեին, բայց ոչ իրենց արյան գնով»,- ասում է տիկին Արմինեն։