«Եթե ընկնենք իդեալիստ–լիբերալների խելքին, ապա այսօրվա վիճակը դեռ երկար կշարունակվի». Արա Պողոսյան

Քաղաքագետ Արա Պողոսյանի ֆեյսբուքյան գրառումը. «Հաջիևը կարծում է, որ դեռ Հայաստանն ու հայ ժողովուրդը պետք է ներողություն խնդրեն ադրբեջանցիներից։ Արդար աշխարհի դեպքում կխոսեինք հաջիևյան ցինիզմի մասին, սակայն պետք է չմոռանանք, որ մենք ապրում ենք անարդար աշխարհում, որտեղ միայն ուժն է որոշում սահմանները՝ ինչպես աշխարհագրական, այնպես էլ մարդկային, իրավական, տնտեսական և այլն․․․
Եվ ի՞նչ պետք է անենք մենք, այսքանը գիտակցելով․
Բնականաբար պետք է մերժենք ողբը, պետք է մերժենք «թուլանալ և հաճույք ստանալու» քպ–ական վարքաբանությունը, և հիշենք՝ ուժը կուտակվում է ո՛չ թե աղմուկի մեջ, այլ աշխատանքի։
Մենք խաղաղություն կարող ենք ունենալ, եթե լինենք ուժեղ, իսկ հակառակ դեպքում մեր ընտրությունը կլինի պատերազմի ու ստրկական գոյության միջև։
Եթե ճիշտ ճանաչենք մեզ և մեզ շրջապատող աշխարհը, ապա կգա այն օրը, երբ մեզ ծաղրողներն ու մեր ժառանգությունը գողացողները կզղջան, իսկ եթե մենք շարունակենք չճանաչել ինքներս մեզ, չընդունենք աշխարհն այնպիսին, ինչպիսին այն կա, և ընկնենք իդեալիստ–լիբերալների խելքին, ապա այսօրվա վիճակը՝ patron-client, դեռ երկար կշարունակվի։ Շա՜տ երկար․․․»։