«Էդ խելքով քանի՞ ախպեր եք». Վահրամ Աթանեսյան

Քաղաքական վերլուծաբան Վահրամ Աթանեսյանի ֆեյսբուքյան գրառումը․ «Հիմա որ ամերիկացի քաղաքագետ, նախկին պետքարտուղար Բեյքերի խորհրդատու Պոլ Գոբլը Վարդան Օսկանյանին դատի տա և պատասխանատվության կանչի, թե ինչո՞ւ է Մեղրին Ադրբեջանին հանձնելու իր «ջհուդա-մասոնական» ծրագրի հեղինակային իրավունքը վերագրել Հեյդար Ալիևին, Հայաստանի արտաքին քաղաքականության նախկին ճարտարապետն ի՞նչ է պատասխանելու, որ վերցրել, նոր տարվա առաջին հարցազրույցում հայտարարել է, որ ԼՂ կարգավորման «տարածքների փոխանակման» գաղափարը 1999թ. Հեյդար Ալիևն է Ժնևում ներկայացրել Ռոբերտ Քոչարյանին: Իրենք էլ տեղում քննարկել և համոզվել են, որ նա պատրաստ է հրաժարվել Արցախից և Լաչինի շրջանից, մնում է այնպես բանակցել, որ փոխարենը Հայաստանի տարածքից մեկ մետր չզիջվի, Ադրբեջանին միայն Նախիջևանի հետ կապ տրվի: Օրինակ՝ էստակադա կառուցելու ձևով: Ոչ մեկի մտքով չի՞ անցել, թե «ինչ կրետ է խայթել» ԿԳԲ-ի գեներալ-լեյտենանտ Ալիևին, որ «ընդհանուր պետություն» առաջարկը մերժելուց մեկ տարի հետո այնքան բարեսիրտ է դարձել, որ Նախիջևան «ոտաց ճանապարհ» ստանալու դիմաց «հրաժարվում է Արցախից և Լաչինից»: Նման դեպքում ղարաբաղցին ասում է. «Էդ խելքով քանի՞ ախպեր եք»: Ավելի ճիշտ՝ «էդ սուրբ միամտությամբ» քանի՞ հիվանդ էիք»: