Երկուշաբթի, 23 փետրվարի, 2026 թ.
|
Ստեփանակերտում`   +9 °C

«Թուրքիայի և Ադրբեջանի կողմից «Զանգեզուրի միջանցքի» հարցի լուծման համար նախապատրաստվում է ռազմական ագրեսիա»․ Անի Սամսոնյան

«Թուրքիայի և Ադրբեջանի կողմից «Զանգեզուրի միջանցքի» հարցի լուծման համար նախապատրաստվում է ռազմական ագրեսիա»․ Անի Սամսոնյան
322
Երկուշաբթի, 06 հունվարի, 2025 թ., 21:06

ԼՀԿ նախկին անդամ Անի Սամսոնյանի ֆեյսբուքյան գրառումը․ «Իրանում երևի թե արդեն հասկացել են, որ Հայաստանում ադեկվատ իշխանություն չկա և Կառավարության շենքում նստած բլոգերները չեն տիրապետում իրենց երկրում ստեղծված իրավիճակին և որևէ կերպ չեն ազդելու «Զանգեզուրի միջանցքի» բացման հարցի վրա: Հարցը որոշվել է արդեն Թուրքիայի և Ադրբեջանի ակտիվ մասնակցութամբ, այդ իսկ պատճառով Իրանի պատվիրակությունը առաջիկայում կմեկնի հենց Թուրքիա այդ հարցը քննարկելու համար:

Ադրբեջանի՝ Հայաստանի կողմից սահմանին կրակ բացելու և պատերազմի նախապատրաստվելու մասին տեղեկատվական տեռորը խոսում է այն մասին, որ միջանցքի հարցի լուծման համար, դիվանագիտական ճնշումներից բացի, նախապատրաստվում է նաև ռազմական ագրեսիա, որի պլանը գծվել է 2024թ․ տարավերջին Թուրքիայի և Ադրբեջանի ռազմական գերատեսչությունների ակտիվ հանդիպումների ընթացքում:

Իսկ ինչո՞վ են զբաղված Հայաստանում:

Երբ ռեալ կյանքում դու որպես դերակատար գոյություն չունես ու իրավիճակի վրա ազդելու էլ ձև չունես, սոցիալական ցանցերում քո գոյության պատրանքն ես ստեղծում, որ մարդկանց ուշադրության էներգիայով սնվես: Սա է այսօր մեր իշխանության հոգեբանական տխուր վիճակը»:

Աղբյուրը`   Անի Սամսոնյան